عذ"ابي بقلم ملك إبراهيم.
رغم الحاجات الحلوة اللي بقت في حياتي بس لسه كنت بعيش حياة صعبة مع حماتي وجوزي، للاسف جوزي كان طول الوقت بيسمع كلامها وتقدر بكلمة تخليه يبه/دلني ويمن/عني اكمل علاج بنتنا، بس انا كنت بحاول امشي اموري معاها واصبر وانا لسه جوايا خوف من كلمة الطلاق اللي كان دايما جوزي يهد@دني بيها في اي خل/اف يحصل بينا.
حاسيت ان الشهادة اللي انا تعبت ٣ سنين عشان اخدها مقدرتش تقويني ولسه الخو/ف جوايا زي ما هو!
في يوم قعدت مع واحدة صحبتي وكانت قريبة مني، وحكيتلها غصب عني على الشهادة اللي خدتها في ٣ سنين من ورا حماتي، كنت بحكيلها وانا قصدي افضفض اللي جوايا، كنت تعبانه ومتخلبطه وحاسة ان الحِمل تقيل عليا اوي.
للاسف اتفاجأت بعدها بكام يوم ان حماتي عرفت موضوع الشهادة اللي خدتها(وقتها عرفت ان مفيش حاجة اسمها احكي سري لحد غريب عني مهما كان قريب مني) امي واخواتي عارفين سري ده من ٣ سنين ومفيش مخلوق عرفه غيرهم، لكن صحبتي مقدرتش تحافظ علي السر ده ٣ ايام بس.
المواجهة كانت صعبة وانا وجوزي قدام حماتي وهي عماله تقول لجوزي كلام صعب وكبير لانه وافق اني اعمل كده من وراها، انا كنت حاسة اني عملت جر@يمة، لدرجة انها قالت علي اللي انا عملته ده (خي،ـانة) وقالت لجوزي قدامي اني كده اقدر اخ@ونه بسهولة. جوزي يومها ضر@بني وبه/دلني قدامها گالعادة عشان تهدى وتسكت، منع/ني اروح ببنتي جلسات العلاج الطبيعي والتخاطب وحكم عليا مخرجش من البيت وكان تهديد الطلاق هو مقابل اعتراضي.
خوف/ت وسكت گالعادة ومش قادره اقول ان دي كانت سلبيه مني، بس اي واحدة مكاني وفي الضعف اللي كنت فيه كانت هتسكت زيي، اي واحدة جربت احساس انها ملهاش سند في الدنيا ولا حد يقف في ضهرها، هتفهم انا كنت ليه بسكت وبصبر.
بعد فترة كبيرة من منعي اروح الجلسات ببنتي وبعد ما بنتي بدأت حالتها تتراجع بعد التقدم اللي كنا وصلناله، كنت بترجى جوزي وحماتي كل يوم عشان ارجع الجلسات بالبنت تاني، حماتي كانت بتقولي بكل برود"سيبك من البت دي بقي وخلفيلك عيل تاني ولا اتنين" وجوزي كان بيشتكي من فلوس الجلسات وشايف انها فوق طاقته. بس انا كنت شايفه ان بنتي دي نعمه كبيرة من ربنا ولازم نحافظ عليها، اختبار من ربنا للأقوياء، ربنا رزقني بملاك نزع من قلبها النقطة السودة اللي في قلوب البشر، بنتي مميزة وانا لازم اساعدها تعيش. كان لازم اتحرر من خوفي وكلمة الطلاق متبقاش ته"ديد جوزي ليا، كان نفسي انا اللي اهدد/ه مرة اني عايزة اطلق منه.
