عذ"ابي بقلم ملك إبراهيم.
انت في الصفحة 7 من 7 صفحات
بعد اصرار ومحاولات كتير قدرت ارجع ببنتي الجلسات تاني. وقررت اقدم في أكاديمية للتمريض، كان هدفي اكون علي وعي كافي عشان اقدر افهم حالة بنتي واتعامل معاها صح. طبعا انا قدمت في الأكاديمية من ورا جوزي، مكنش ينفع اعرفه بعد اللي حصل لما خدت الشهادة الثانوية.
عايزة اقولكم ان حفلة التخرج بتاعي من الأكاديمية كانت الاسبوع ده.. مش هقدر اذكر اليوم بالتحديد بس الحفلة في شهر فبراير عام 2023. وكمان عايزة اقولكم عن اللحظة اللي عرفت فيها اني طلعت الأولى علي الأكاديمية. انا كنت قاعدة في شقتي وقتها وسط عيالي الاتنين وحماتي في شقتها تحت، عيوني كانت بتبكي من الفرحة اللي كان لازم اكتمها جوايا، كان نفسي اقول للدنيا كلها اني نجحت وطلعت الاولي كمان. بس مش مهم حد يعرف غيري، واللحظة اللي مسكت فيها الشهادة بتاعتي وعرفت اني اقدر اشتغل دلوقتي في اي مستشفى او مركز، دي كانت اللحظة الاقوي في حياتي. وقتها خو/في من كلمة الطلاق مبقاش موجود، حقيقي مبقتش خايفه، ورجعت بالشهادة علي بيت امي ودخلت وانا مش خا/يفه حد يشوفني، فرحت امي بالشهادة بتاعي واحتفظت بيها عندها، ورجعت بيت جوزي وانا لاول مرة في حياتي حاسه ان من حقي اتنفس من غير خ/وف.
انا هتم ال٣٠ سنه بعد كام شهر في العام ده(2023) عشت منهم ١٣ سنه وكام شهر في بيت جوزي ومع حماتي(خالتي) انا طبعا دلوقتي واحدة تانية غير البنت الصغيرة اللي دخلت البيت ده من ١٣ سنه، تعبت معاهم واتبهد/لت كتير وصبرت اكتر ودلوقتي حاسه ان ربنا عوض صبري خير، انا راضيه جدا بلي وصلت له الحمدلله وحقيقي كل شخص حاول يظ@لمني ويو/قعني، كان هو بينزل وانا بطلع لفوق، لاني كنت شايفه كل النعم اللي ربنا انعم عليا بيها وكنت راضيه وعمري ما اشتكيت، اللي كان تعابني هو خوفي من كلمة الطلاق والحمد لله اتخلصت من الخوف ده دلوقتي لما حاسيت اني قوية وربنا دايما معايا وبيعوضني ويكافئ صبري وكل حاجة بتمناها بتتحقق.
عايزة اقولكم ان اللي فهمته بعد ١٣ سنه (ان خوف/ي هو اللي كان بيقوي جوزي وحماتي عليا) لما اللي قدامك بيحس انك خا/يف من حاجة بيعمل كل جهده عشان يستغل خوف/ك ده لصالحه، الخو@ف بيخلينا ضعاف وبيقوي الضعيف علينا.
نصحتي لكل الناس: بلاش تجوزوا بناتكم وهما صغيرين، الجواز المبكر مش ستر للبنت. الجواز المبكر مسؤولية كبيرة عليها وهي في سن صغير. ازرعوا في ولادكم الثقة في النفس، خليهم يعرفوا قوتهم وميظهروش ضعفهم لحد.
انا لسه مش عارفه ايه نهاية حكايتي لان اللي جاي لسه في علم ربنا، بس انا متأكدة ان اللي جاي كله خير ان شاء الله وانا دلوقتي قادرة اواجه الدنيا كلها ومش محتاجة غير دعواتكم لـ بنتي ربنا يشفيها هي وكل اللي زيها ويشفي كل مريض. ويجعل ابني حنين علينا انا واخته ويهدي كل راجل بيستقوي على مراته ويهدي كل حماة بت@ظلم مرات ابنها وبتنسى ان في يوم كلنا هنقف فيه قدام ربنا وهتترد فيه المظ@الم.
