الجزء الأخير من القصة للجميلة نرمين محمد.
انت في الصفحة 1 من 10 صفحات
بعد وقت كنا نايمي.ن على السري.ر وكان واخدنى فى ح.ضنه، محسسنى بمعملته ديه أنه عارفنى من سنين، ده حيالله لسه من كام ساعة...
نمنا وانا الصراحة اول مرة انام وانا مطمنة كدا، صحينا الصبح على خبط الباب خبطات خبيثة شوية...
قام من جمبى بهدوء وراح فتح الباب...
و قال بصد.مة_بدر....
بصلى بمكر ودخل علطول البيت وفضل يبص حولينه_امممم حلو البيت ده يا أدهم، مقولتليش عليه قبل كدا يعنى، ولاه انت بقيت تخبي عليا حاجات ياما اوى علفكرة...
ابتسم بخب.ث_امممم، اصل جيت عشان أتأكد من المعلومات إلى وصلتلى...
بتوتر أكبر_معلومات ايه إلى بتكلم عنها يا بدر....
ببرود_اتجوزت البت إلى كانت معاك يا ادهم...
ارتبكت اوى، حاولت أهدى نفسى واتعامل عادى، وفعلا نجحت فى كدا....._امممم فى ايه بقا انت عايز ايه، حياتى وانا حر، ولا فى ديه كمان هتتحكم فيها...
وضحك فى الاخر، أدهم مسكه من قميصه وبعصبية_بدر بقولك ايه، عند مراتى وخط أحمر انت فاهم، ويا ريت تخليك فى خالك كفايا إلى عملتوا فيا زمان.
ابتسم ومسك إيد أدهم من عليه ونزلها وقال_خلاص يا قائد متتحمقش اوى كدة، مش هجيب اسمها تانى على لسانى خلاص..
أدهم بص على بدر وهو رايح يقعد فى الصالون، عرف أنه مش هيمشى غير لما يشرب حاجة، راح على الاوضة إلى فيها ماهيتاب..
فتح الباب لقاها قاعدة على السرير ومبتسمه، ابتسم وقال_بصى بدر دلوقتى برا، ومش هيمشى غير لما يشرب حاجة انا عارفه هو بيتحجج عشان يعمل حاجة، بس مش هسمحله، بقولك هقفل باب الاوضة بالمفاتيح، وخلى بالك تمام...
اتعصب اكتر وذاد انتقامه من بدر لما شاف نظرة الخو.ف منها لبدر وهو عاجز مش عارف يحميها منه...، قفل الباب بالمفاتيح زى ما قلها، وراح عمل لبدر كوباية قهوة، وكل دا بدر متابعه بمكر....
حطله كوباية القهوة على التربيزة، وقال بعصبية_اهيه تتطفحها وتمشى من هنا...
ابتسم ومردش واخد كوباية القهوة يشربها بتمهل، وهو مستمتع بتوتر وخو.ف أدهم منه، وأدهم عمال يبص
