البارت 29 قاسم وزهرة للكاتبة ملك إبراهيم.

نظرة اليها ندى وضحكة بمرح...

ندى: لااا دي شكلها كده مش نوياله على خير ابدا🥰😂

رواية هيبة الكبير بقلمي ملك إبراهيم
في غرفة صفاء ومندور..

جلس دياب واتكلم بغضب...

دياب: وبعدين يا ام دياب في البت الا وقفالنا زي اللقمه في الزور دي

نظرة صفاء لدياب بغضب وغمزة له بمكر..

صفاء: خليها برحتها واحنا بإيدينا ايه نعمله

اتكلم مندور مع ابنه بتعب...

مندور: متنساش ان دي تبقى مرات ابن عمك يا دياب وانت دلوقتي مسؤل عنها على ما جوزها يرجع بالسلامه

غمزة صفاء لابنها واتكلمت بمكر...

صفاء: ايوه طبعًا دا لو مشلتهاش الارض نشيلها احنا في عنينا

نظر دياب لولدته بدهشه وغمزة له والدته ان يسبقها وينتظرها بالخارج..

وقف دياب واتكلم بهدوء..

دياب: اما اقوم انا اروح مشوار كده

ردت صفاء: ربنا يعينك يا حبيبي الحمل تقيل عليك

اتكلم مندور بتعب: ربنا يعينه..لو مكنش تعبي ده كنت شلت عنه

ردت صفاء بمكر: لا تشيل ايه خليك انت ودياب قدها وقدود

خرج دياب وتابعته والدته واخذته بعيدًا عن غرفة والده واتكلمت بصوت منخفض...

صفاء: هتفضل طول عمرك غبي يا دياب.. بقى بتتكلم عن زهرة قدام ابوك

رد دياب بغباء: وابويا هيعمل ايه يعني هو بقى بيقدر يصلب طوله اصلًا

اتكلمت صفاء بمكر: ياغبي احنا عايزين لما نعمل الا اتفقنا عليه يكون الكل في صفنا ومحدش يشك فينا

رد دياب بعدم فهم: يعني ايه برضه مش فاهم

اتكلمت صفاء: يعني احنا لو كنا عملنا حاجه لزهرة اول ما عرفنا انها حامل كان الكل هيشك فينا وعمها وجدها مكنوش هيسكتوا وكنا هنفتح على نفسنا ابواب جهنم.. لكن دلوقتي الكل اطمن ان احنا مش هنعمل حاجه وفرحانين كمان برفعت الصغير الا هيشرف

اتكلم دياب بغضب وبصوت مرتفع قليلًا..

دياب: وبعدين هنخلص منها امتى..؟

اتكلمت صفاء بغضب: يا واد وطي صوتك هتفضحنا

استمعت رقيه وهي بداخل غرفتها الي همهمات بالخارج.. فتحت باب غرفتها بهدوء وجدت دياب وصفاء يقفون بعيدًا عن غرفة صفاء ويتهامسون.. حاولت الاستماع اليهم

اتكلم دياب بملل: ما انا زهقت يا ام دياب والبت دي غيظاني وكسره نفسي

ردت صفاء بقوة: هخلصك منها النهارده