البارت 29 قاسم وزهرة للكاتبة ملك إبراهيم.

دياب: انتي عرفتي منين الاول ان انا وقفت الفلاحين ثم انتي ايه دخلك في شغل ارضنا

اتكلمت زهرة بقوة: دي مش ارضك يا دياب وانت ملكش اي حق فيها والا انت بتعمله ده غلط لانك كده هتضيع محصول السنه وكمان كده هتضر الارض

وقف ورد ببرود: انتي ملكيش دعوه بأي حاجه هنا انتي هنا زيك زي اي كرسي ملوش قيمه واحنا مستحملينك بس لحد ما تولدي وناخد ابن عمي وانتي تروحي تشقي طريقك بعيد عننا

جن جنون زهرة واتكلمت معاه بعنف..

زهرة: تصدق يا دياب اهو انا دلوقتي عرفت ليه قاسم كان على طول بيفقد اعصابه عليك..انت انسان بجد مش طبيعي

رد دياب بسخريه: ربنا يفك سجنه ابن عمي

اتكلمت زهرة بقوة: ان شاء الله قريب اوي

رد بسخريه: ربنا يدينا ويديكي طولت العمر

نظرة له بغضب واتجهت لغرفة حماتها...

دخلت الغرفه واغلقت الباب خلفها واتكلمت بعصبيه قدام حماتها وندى...

زهرة: عارفه يا ماما ابنك ده لما يطلع مش هقولك انا هعمل فيه ايه عشان سايبني كل ده هتجنن عليه وبيرفض يقابلني برضه

ضحكت حماتها واتكلمت ندى بمرح....

ندى: يبقى اكيد دياب عصبك كالعاده

ردت زهرة بغضب: دياب ايه بس..انا هتتجنن يا ندى انا بقيت بقعد اتكلم مع صورته انا مبقتش بعرف انام غير وانا لبسه هدومه وعلى طول برش برفانه حواليا في كل مكان

ردت حماتها بابتسامه: دا الوحم يا حبيبتي

اتكلمت زهرة بغيظ: طب مش الا بتتوحم على حاجه دي بيجبولها الحاجه الا هي بتتوحم عليها..ليه بقى مش بتجبولي قاسم

ضحكة ندى وردت بمرح: عشان ابنك يطلع في وشه قاسم

ضحكت الحاجه زينب واتكلمت بهدوء...

الحاجه زينب: هانت يا حبيبتي متقلقيش.. ربنا يفك سجنه ويرجع الغايب يارب

قعدة زهرة ووضعت ايديها على خدها واتكلمت بغيظ...

زهرة: بس لما يرجع بس واشوفه قدامي

ردت ندى بمشاكسه وهي بتغمز لها...

ندى: هتعملي ايه..😉

نظرة زهرة امامها بشرود تتخيل لحظة دخوله المنزل.. ابتسمت وهي تتخيل ملامحه الهادئه لمسة يديه الحنونه نبرة صوته القويه وضحكته الساحره