البارت 25 قاسم وزهرة للكاتبة ملك إبراهيم.
اتكلمت صفاء بسخريه: يا بختك وانتي نايمه براحه ولا همك اي حاجه من الا بتحصل
استيقظت رقيه على صوتها واتكلمت بفزع..
رقيه: هو النوم هنا كمان بقى حرام ولا ايه
ردت صفاء بعنف: قومي اغسلي وشك وفوقي معايا كده عايزه اتكلم معاكي
جلست رقيه على الفراش واتكلمت...
رقيه: انا فايقه عايزه ايه..؟
جلست صفاء واتكلمت بجمود...
صفاء: عايزاكي تاخدي بنت عمك وترجعوا بيت جدكم قعادكم هنا مبقاش له لازمه
ردت رقيه بملل: وانتي فاكره ان انا هقول لبنتي عمي تعالي نرجع بيت جدي هترجع معايا ؟
اتكلمت صفاء: ما انتي هتخلي جدك وابوكي ياخدوها غصب عنها
رقيه بملل: هياخدوها غصب عنها ازاي ؟ طب وقاسم
ردت صفاء بسخريه: مبقاش في قاسم خلاص
اتكلمت رقيه بقلق: يعني ايه.. قاسم جراله حاجه..؟
ردت صفاء بشماته: هو انتي لسه متعرفيش ان قاسم اتحبس مكان ابوه وطلع هو صاحب السلاح
انتفضت رقيه من فوق الفراش وهبت واقفه بصدم#مه....
رقيه: قاسم تاجر سلاح ازاي ! يعني قاسم مسجون دلوقتي.؟
صفاء: ايوه مسجون ومش هياخد اقل من 25 سنه
رددت رقيه خلفها بصدم#مه...
رقيه: 25 سنه
صفاء: دي اقل حاجه
نظرة رقيه لصفاء بصدم#مه لتتابع صفاء حديثها بمكر....
صفاء: وطبعا انتي مش هتفضلي عايشه في العذاب ده 25 سنه
اتكلمت رقيه بصدم#مه: طب وزهرة عرفت ولا لسه..؟
ردت صفاء بخبث: عرفت امبارح واكيد هي هتفكر في مصلحتها وهتقول يالا نفسي
اتكلمت رقيه وعقلها رافض استيعاب ان قاسم اتسجن....
رقيه: طب وانا هعمل ايه وانا معرفش طريق كامل
اتكلمت صفاء بمكر: بصي يا رقيه انا هنصحك نصيحه لوجه الله..انتي دلوقتي لا طولتي كامل ولا هتطولي قاسم خلاص.. والاحسن ليكي دلوقتي انك تفكري في نفسك شويه لانك مبقتيش صغيره والعمر بيجري ولازم تشوفي حياتك وتتجوزي وتخلفي يا اما عمرك كله هيضيع وانتي زي ما انتي
اتكلمت رقيه بتفكير: يعني كده زهرة هتطلق من قاسم
