سكريبت رحمة بقلم روان حسن
يا فندم أنا أستحقها حضرتك عارف أني من أكتر الناس كفاءة هنا
المدير وأنتي برده عارفة أن يوسف أكفأ منك كمان و مع ذلك ممانعتيش أنه الترقية تروح منه
اتنهدت_عندك حق يا فندم هو فعلا يستحقها و...
المدير أنتي برده مكنتيش مهملة ولا حاجه عشان كده أنا سمحت أنك تاخدي الترقية
_م مش فاهمه
المدير الورق اتسرق من مكتبك مضاعش
المدير انزلي غرفة المراقبة تحت وانا هكلمهم يفتحولك التسجيل
_ازاي و الكاميرات عطلانة بقالها فترة
المدير هه ماهي لسه عطلانة يا مني ولا عايزة الترقية تروح ليوسف بجد
_احم لا يافندم سرك في بير الكاميرات عطلانة فعلا أستأذنك تكلمهم
المدير أنا عاوز أوريكي بعينك عشان لو قولتلك ممكن متصدقنيش بس بلاش تتصدمي
المدير وأكتر
_رحمة!!!!
رحمة اللي سړقت الورق طب طب ليه أنا عملتلها ايه
خرجت من غرفة المراقبة وأنا عيني مزغللة أنا لازم أمشي
بت يا موني شفتي اللي حصل انهارده ايه ده مالك يابنتي وشك مخطۏف كده ليه و بټعيطي ليه فهميني عمر عملك حاجه المدير زعقلك حصل ايييه
وهي عمالة تطبطب عليا عشان اتكلم وانا بعيط أكتر ليه بجد ليه دي أكتر واحدة أنا بثق فيها
طب ما تفهميني يا موني ايه اللي مزعلك في حاجه وجعاكي طيب
بعياط_قلبي واجعني يا رحمة قلبي واجعني أوي و مش مصدقه اللي بيحصل معايا
طب اهدي وكل حاجه هتتحل
_متطبطبيش عليا عشان معيطش أكتر روحي شوفي اللي وراكي
تعالي طيب أوصلك هتمشي ازاي وانتي كده
_خلاص أنا هسكت مفيش حاجه
_ماشي
أستاذة مني أكيد مش هتسوقي وأنتي بالمنظر ده ف تعالي أوصلك
_أنا معنديش طاقة أتكلم
حاضر مش هضايقك
_.....
.....
_مش هتسألني بعيط ليه
لا لأني عارف الموضوع كله
_من امتي
من بعد ما كلمتيني علي طول شكيتازاي يكون ضاع منك ف رحت للمدير و استأذنته اشوف الكاميرات الصراحه توقعتها من عمر بس من رحمة أوف ولا جات علي بالي
أفتكر أن الموضوع مش مستاهل المناحة دي كلها ده شغل و بعدين الشغل علاقات عامة و زمايل مش أصحاب و أخوات
_بس هي كانت أكتر من كده
مفيش حاجه اسمها كده بالنسبالي الصراحه ولكن بالنسبالك هي كانت ومازالت و كونك متضايقة منها ده مش هيغير من معزتها عندك
قلت بتصميم_لا طبعا أنا موني واللي بييجي عليا باجي عليه عادي هي مش أحسن مني ف شئ
_و كمان أنا مش هسامحها علي الفصل اللي عملته فيا ده أبدا أبدا
طب خليكي فاكره أبدا أبدا دي عشان هفكرك بيها بعدين الخلاصة يعني أنك لازم تواجهيها و تعرفي أسبابها ولو اقتنعتي تسامحيها مقتنعتيش يبقي خلاص علاقتكم هتبقي في إطار العمل و سطحية زي علاقتي كده بباقي الزملاء
_عملتي فيا كده ليه يا رحمة ده أنا كنت بأمنك علي أعمق أسراري يا تري أنا ضهري مكشوف من امتي كنت بميل عليكي و بقع كل الفترة دي وأنا مش حاسة أنتي مش متخيلة الن ار اللي حاسة بيها
كنت بحبه يا موني بحبه
_مين يوسف
لا عمر من أيام الجامعة وأنا بحبه بس هو غبي مش شايف إلا نفسه وأنتي عشان عرفتي تثبتي نفسك بسرعة علي الرغم أني أقدم منك هو طمع أنا عارفة أنه عنده عيوب بالهبل بس هو طيب أنا لمه سړقت الورق كنت عايزة آخد أنا الترقية وأعلي و هو يرجع يحبني حتي كنت بكرهك فيه عشان تسيبيه و فرحت لمه يوسف أعجب بيكي بس
