اسكريبت جديد بقلم روان حسن
قصاده
رد بهدوء عكس الصوت العالي اللي كان بيتكلم بيه من شويةمن امتي وأنتي.... احم وأنتي بتحبيه
هزيت راسي بنفي_صدقني معرفش
بدأت أحكي بهدوء و بحذر_أنا فجأة لقيت الدبلة اللي كانت خانقاني بقي فيها راحتي و فجأة هو اتحول من شخص مش طايقاه عشان بعدني عن حبيبي لشخص بستناه يرجع من شغله عشان يحكيلي عمل ايه في يومه بالتفصيل
طيب أوي يا محمد طيب بطريقة خلتني أحس بتأنيب الضمير لمجرد بس أني بفكر فيك حسيته يستاهل حد غيري بس هو ولا مرة حسسني بده بالعكس كان بيقولي أني كتيرة عليه
قولي أنت أيمن ميتحبش ازاي
_أنا عارفة أن اللي بقوله مش سهل
رفعت كتافي بقلة حيلة_بس أنت محمد اللي مش بخبي عليه حاجه
رد ما دي اللعڼة اللي كنت بقولك عليها ياريتني ما شفتك يا سلمي ولا عرفتك بجد
مسحت دموعي وأنا ببتسم و بقول_حظك أن الباب كان في وش الباب فاكر مغامراتنا كانت حلوة ازاي
بصيت حواليا_ولا السطوح و حكاياته
رجعت بصري له
هنساكي ازاي قوليلي
_اللي بيننا مش هيتنسي يا محمد ده أنت عشره عمري واهو الحمدلله العيلتين اتصافوا و هايدي كمان ه
قاطعنيبالله متبدأيش الاسطوانه دي
_اسمعني طيب هايدي بجد بنت حلال و غلبانة و بتحبك صدقني أنا مش هتطمن عليك غير معاها هي دي اللي هتصونك بجد و تشيلك في عنيها
_ممكن متتريقش أنا بتكلم بجد علي فكره
أنتي مش حبيتي و شفتي حياتك خلاص روحي لحال سبيلك يا ست الله يسهلك
_محمد
دار وشه الناحية التانية و مردش
_محمد
يادي محمد و سنين محمد عايزة ايه
عيني دمعت تاني_ممكن متكرهنيش.
ياااه أكرهك مرة واحدة طب ياستي يارب ده يبقي يوم المني
ابتسم بتسليةمديها وأنا حذرتك قبل كده
افتكرت قصده علي ايه البارد فابتسمت و سكتت
قال بنبرة مهزوزةيعني خلاص كده
ابتسامتي تلاشت_والله ما عارفة أمسك دموعي أكتر من كده حرام عليك
أنا بحب أعيطك عشان بيبقي شكلك جميل هو أيمن بيعيطك برده
_لا الصراحه
اترسمت عليه شبح ابتسامة حلو كده أنا أتطمنت عليكي
أنتي أخدتي سنة و شهرين و خمس أيام عشان تحبي غير محمد تفتكري أنا عشان أحب غيرك هاخد قد ايه
_العمر كله مثلا
ليه مارلين مونرو آخرك يومين
ضحكت_دي حاجه تفرحني متزعلنيش ربنا يريح قلبك و يجعل عوضك في هايدي يا محمد يابن ام محمد قلبي و ربي راضيين عليك
كنت بقولها بضحك بس أنا من جوايا متأثرة أوي ف قولتله
_أنا بحبك أوي يا محمد يمكن أنت عمرك ما سمعتها مني عشان كنا ملتزمين بالضوابط أو علي الأقل كنا بنحاول
ضحكفاكرة
_بس أنا دلوقتي أقدر أقولهالك بقلب جامد عشان حبي دلوقتي مختلف حب غلاوة و معزة لحد مش هيتكرر تاني في حياتي
أنا بجد أسفة علي كل حاجه
وهنا مقدرتش أقعد أكتر من كده وقمت عشان أنزل
استني
كنا بالفعل وقفنا
قال بجديةمتحسيش بالذنب من ناحيتي أنتي برائتك دي اللي شدتني ليكي من الأول يمكن كان معاكي حق احنا ملناش نصيب في بعض بس الأكيد أن ليكي غلاوة كبيييرة في قلب محمد مش هتتغير في يوم اوعي تنسي ده أنا بحذرك و مهما الدنيا ودتنا و جابتنا هتلاقي بابي دايما مفتوحلك
_وأنا واثقة من كده
قال بنبرة مهزوزة و بلمعه مبتطلعش إلا
