سكريبت ورد كامل بقلم روان حسن

قصة كاملة ورد_وليد
_ايييه يا اخ انت مش تحاسب
معيش فكة والله
_المفروض اني اضحك بقي و كده
يعني لو دمك مش تقيل
_يعني انت خابطني و دلقت من القهوة علي الأرض و كمان بتغلط
خلاص يا ستي آسف في كافيه قريب من هنا بحب اروحله لو تحبي ممكن اعزمك علي واحد تاني بيعمل قهوة وحشة
_ايه قلة الذوق دي بجد
بهزر معاكي انتي واخدة الدنيا جد كده ليه بالمناسبة انا اسمي وليد

_حصلنا القرف
نعم!!!
_الشرف بقولك حصلنا الشرف
اه بحسب
_طيب انا هستأذنك بقي عشان متأخرة
اشطا كده كده هشوفك تاني
_ده اللي هو ازاي يعني 
أصل في أسطورة بتقول ان اي اتنين بيخبطوا ف بعض أقدارهم كمان بتخبط ف بعض 
_ودي منين الاسطورة دي
مني لسه مألفها حالا لمه شفت عينيك 
وهنا تحديدا كانت أول مرة أركز ف ملامحه و عينيه و... 
ايييه رحتي فين
و لأول مرة آخد بالي ان عينيه مريحة جدا مريحة بشكل ضايقني 
_انا انا ماشية سلام
استني طب مقولتليش أسمك ايه
لفيت وشي و قولتله_ ورد اسمي ورد
بعد أيام كتير أنا كنت نسيت الموقف اصلا لانه كان موقف عابر و رجعت تاني لحياتي الروتينية من الجامعة للسكن اللي عايشة فيه مع نور صاحبتي الوحيدة و فعلا صدق اللي قال ان الصداقة مرهم بتطيب أي چروح. 
بقالي فترة مرحتش شربت قهوة بمزاج و بما أن المحاضرة اتلغت ف ليه لا
نورلا يا ورد انا مصدقت ان في شوية وقت اريح ف البيت شوية
بمسكنة_حرام علييييكي انا نفسي اشرب قهوة 
نورطيب ما نجيب من اي محل قريب اشمعنا الكافيه إياه
_انتي بتبصيلي كده ليه لاااا مش انا يا ماما 
نورطبعااا اومااال 
_خلاص يا نور اكيد مش هشوفه تاني يعني دي كانت صدفة وانا بجد بحب القهوة بتاعت الكافيه ده بالذات لانه مرتبط بحاجات كتير اوي 
نورحاجات ايه دي ان شاء الله اللي مش قايلالي عليها الصحاب في إجازة و كل اللي موجود في إزازة
_دي حكاية طويلة هبقي احكيلك عليها بعدين هروح انا و انتي اسبقيني علي السكن و اطبخيلنا اكلة حلوة كده من ايدك و انا هجبلك شيكولاته وانا جاية
نورمتثبتنيش
_و شاورما و هقوله يتوصي بالتومية
نورقلبي في ذمة الله ماشي متتأخريش
رحت وانا عارفه اني اكيد مش هشوفه احنا عايشين في الواقع يعني بس مع ذلك كنت بلف بعيني ف المكان لعل و عسي يظهر...
ساعات بنلاقي ناس و نتعشم فيهم بزيادة و بنتعلق بيهم اكنهم القشاية اللي علي الرغم أنها مش هتنقذنا من الڠرق ولا حاجة بس محتاجين ليهم.. 
وليدطبعا لو قولتلك اني باجي هنا كل يوم عشان بس اشوفك مش هتصدقيني 
تزامانا في الخلفية مع أم كلثوم بتقول رجعوني عنيك لأيامي اللي راحوا..... علموني أندم على الماضي وجراحه 
فضلت ساكتة و ببصله بحزن_هو انت عايز ايه
انا عايز اشرب شاي بالنعناع وانتي
_انا عايزة امشي
استني بس انا عملتلك حاجة ضايقتك 
_انت مضايقني عينيك مضايقاني كل حاجة فيك شبهه بطريقة انا مستغرباها
شبهه! شبه مين
_أحمد أول حب و أول خسارة و أول تجربة اللي مبتتنساش
طيب إذا حابة إنك تحكي ف أنا فاضي و عايز أصدع
ابتسمت نص ابتسامة و بدأت أحكي
_الجامعة كانت مطلعة منحة كبيرة لكل الأقسام و لأني بذاكر لمجرد ان مفيش حاجة اعملها غير كده اجتهدت عشان اتقبل فيها و اتقبلت و من هنا ابتدت الحكاية
من تلات سنين في الطيارة 
أحمدلو سمحتي يا استاذة انتي قاعده مكاني 
ورد_اه انا أسفه بس دي أول مره اركب طيارة ممكن بس لو تسمحلي اقعد جمب الشباك 
ايه الذوق ده كله ماشي يا ستي براحتك و علي العموم انا جمبك و