رواية جديدة بقلم هدير دودو الجزء الثالث

الى الدكتور عشان يتطمنوا و هما خايفين جدا و لكن عامر كان بيحاول يتظاهر القوة حتى لا يزيد من خوف و توتر قمر 
 
يوسف بتحذير لكارمن كوكي ممنوع تنزلي باللبس زي اللي بتلبسيه مش ناقص ضغطى يعلى على الصبح كدة 
كارمن متخافش يا حبيبي انا اصلا نزلت اشتريت كم فستان محترم شوية مع البت قمر 
يوسف طب كويس ثم قال لها بتذكر عندما ذكرت اسم قمر اه صحيح يا كوكي قمر امبارح جات 
كارمن و هي تنظر باستغراب و قالت متسائلة كانت عاوزة ايه .. في حاجة 
يوسف بسخرية و لا حاجة بس تلاقيها حست باللي حصل و اننا اتصالحنا ازاي تسيبنا ننام والله لولا انها مرات عامر و صاحبتك كنت 
ضحكت كارمن خلاص يا .. حبيبي هي .. بس تلاقيها قلقت .. عشان قفلنا موبايلاتنا ... احنا الاتنين.. في نفس الوقت 
عند خديجة دخلت لشادية 
شادية بابتسامة ازيك يا خديجة يا حبيبتي عاملة ايه 
خديجة بفرح الحمد لله كويسة و كلنا كويسين جيت اعزمك على فرح ملك بعد اسبوعين 
شادية بفرح طب كويس مبروك يا حبيبتي بصراحة ملك اصلا عسل و تستاهل كل خير ثم قالت بضيق مش زي كارمن اتغيرت اوي بس يلا بقا يوسف عاوزها كان نفسي يتجوز واحدة زي ملك 
خديجة بدفاع عن ابنتها لا على فكرة انت فاهمة كارمن غلط خالص يا شادية دي طيبة والله و بتحب الخير للكل مفيش حد اصلا في طيبة قلبها هي بس يمكن طريقة لبسها بس اللي اتغيرت شوية بس عادي 
شادية بسخرية لبسها بس ... شكلك مش واخدة بالك بقا انت 
خديجة بتأييد اه والله لبسها بس و يمكن طريقة التعامل شوية بس لما بتحب حد بتديله حياتها كلها 
ثم استأذنت منها و خرجت اتجهت إلي شقتها و هي غير راضية عن طريقة كلام شادية على ابنتها 
قام يوسف و اخد شاور 
ثم قام هو باختيار فستان من الفساتين الجديدة و اختار فستان اسود ذات اكمام من الطبقة الشيفون الخفيفة رغم اعتراض كارمن لأنها كانت عاوزة تلبس بنطلون إلا أنه اقنعها و بالفعل لبسته
و نزلوا تحت و خبطوا على شادية 
شادية و هي ترى كارمن فهى ليست متقبلاها كزوجة لأنها دائما تود أن يتزوج الاحسن منها فهي كأي ام تتمنى لابنها واحدة احسن و افضل من كارمن و قالت بضيق ازيك يا كارمن عاملة ايه دلوقتي 
كارمن بابتسامة الحمد لله كويسة يا طنط شادية 
شادية بتساؤل ليوسف و انتوا رايحين فين كدة يا حبيبي 
يوسف هنخرج شوية انا و كوكي عشان بقالها كتير و مش بتنزل عشان كانت تعبانة 
شادية بضيق و عدم رضا ماشي يا ابني بس بدل ما تخرج انت يوم اللي اخدته اجازة كنت اقعده في البيت احسن اهه ترتاح
يوسف بابتسامة لا انا اصلا واخد انهاردة اجازة عشان كوكي ... يلا بقا بعد أذنك عشان نلحق 
اومأت له شادية و هي تشعر بالضيق و دخلت 
اتجه يوسف و كارمن الى شقة اهل كارمن فتحت لهم خديجة 
خديجة بفرحة و حب أهلا و سهلا إزيكم يا حبايبي اتفضلوا 
كارمن مش هنعرف ندخل عشان مستعجلين ثم قالت بتساؤل امال فين سوو 
خديجة اسيل جوة هندهالك ثم دخلت 
كارمن ليوسف معلش يا يوسف هشوف سوو عشان وحشاني بقالي كتير مشفتهاش 
يوسف بحب لا عادي براحتك ... اليوم كله بتاعك انهاردة اعملي اللي يريحك يا حبيبتي 
جاءت اسيل و قامت بالقفز على كارمن و قالت بحب و حماس طفولي كوكي حبيبتي وحشتيني اوي قد الدنيا دي كلها 
كارمن هي الأخرى و قالت و انت اكتر يا عيون و قلب كوكي
اسيل ليوسف على فكرة يا عمو يوسف انا زعلانة منك اوي و مش هكلمك تاني 
يوسف بدهشة اناا ... و انا عملت ليكي ايه 
اسيل عشان انت من ساعة ما عملت انت و كوكي الفرح و هي بطلت تشوفني و تيجي تخرج معايا خالص زي الاول 
يوسف و هو يأخذها من كارمن ثم قال هو يداعب وجنتيها معلش يا حبيبتي بس انت عارفة ان كوكي كانت تعبانة بعد كدة هخليها تخرجك و تعملك كل حاجة ماشي 
صفقه كوكي بحماس ثم دخلوا لكى يجلسوا مع اسيل و خديجة و قالت لهم