البارت 39 قاسم وزهرة للكاتبة ملك إبراهيم.

بكى مندور بتعب بعد ما علم ان زوجته هي من تسببت في مoت شقيقه كما تسببت في مoت ابنهم الكبير بتربيتها الخاطئه له

اتكلم مندور بحزن: ودياب عملت معاه ايه ياقاسم ؟

اتكلم قاسم بتأكيد: متقلقش يا عمي، دياب مهما عمل هو ابن عمي وانا عمري ما هأذيه بس هو لازم يتربى ويتعلم الادب

رد مندور بحزن: منها لله اللي مرعتش ربنا لا في بيتها ولا في جوزها ولا في عيالها وكان همها الفلوس وبس

اتكلم قاسم بحزن: متزعلش مني يا عمي، بس ابويا ياما نصحك وحذرك منها

اتكلم مندور ببكاء: ربنا يكفيك شر كيد الحريم يا ابني، ربنا سبحانه وتعالى قال " ان كيدهن عظيم " ومفيش راجل بيقدر على كيد الحريم

نظر قاسم لعمه واتكلم بثقه..

قاسم: بس في راجل قدر على كيد ام دياب

اتكلم مندور بدهشه: راجل مين ؟

اتكلم قاسم بفخر: الحاج رفعت الشرقاوي

اندهش مندور واتكلم بعدم فهم..

مندور: يعني ايه مش فاهم ؟!

اتكلم قاسم بابتسامه: يعني ارض الشرقاوي اللي انت كتبتها لام دياب، كلها اتكتبت لرفعت الشرقاوي والعقود اللي مع ام دياب كلها كانت مزوره واللي زورها استاذ حافظ المحامي

اتكلم مندور بصدم#مه: انا فعلا كنت كاتب العقود انا وصفاء عند حافظ

رد قاسم بثقه: واستاذ حافظ بلغ ابويا الله يرحمه وبدل العقود وحقك محفوظ يا عمي، ابويا حكالي اول ما رجعت من السفر ووصاني على حقك

اتكلم عمه ببكاء: الله يرحمك يا رفعت حافظت على حقوقنا وانت عايش وحافظت عليها وانت ميت

رد قاسم بحزن: الله يرحمه

اتكلم مندور بحزن: الارض بتاعي خليها بأسم ابوك زي ما هي يا قاسم وانت اللي تراعيها لانها لو راحت لدياب هيضيعها وانا خلاص مبقاش في عمري عمر عشان احافظ عليها

اتكلم قاسم بتأكيد: متقلقش يا عمي الارض هتفضل لعيلة الشرقاوي وبرضه دياب هياخد حقه بشرع ربنا بس هياخده وهو بيتربى من الاول وجديد