البارت 37 قاسم وزهرة للكاتبة ملك إبراهيم.
انت في الصفحة 7 من 7 صفحات
اتكلم عمران: الحاجه وصلت يا صفاء واتحطت في المكان الا اتفقنا عليه
ردت صفاء: الله ينور عليك يا عمران، انا مكنتش عايزه اكررها تاني بس كان لازم اعوض خسارتي اللي خسرتها في السلاح الا اتمسك
اتكلم مهران: مش انتي الا خلتيني ابلغ عن السلاح التاني؟
ردت بغيظ: ما انا كنت فاكره ان رفعت وعياله هيتمسكوا فيها وارضهم وكل املاكهم هتبقى تحت ايدي انا، بس كل ده راح لما قاسم خرج ولازم دلوقتي اعوض خسارتي عشان ميبقاش مoت وخراب ديار
اتكلم عمران: طب مش هتيجي تشوفي الحاجه بنفسك
ردت برفض: لا مش هينفع.. انا مفهماهم ان انا تعبانه ومش هينفع اخرج
اتكلم عمران: اصل في واحد عايز يشتري نص السلاح اللي عندنا وب3 اضعاف التمن وانتي لازم تبقى موجوده
لمعت عينيها بالطمع واتكلمت بسعاده..
صفاء: ب3 اضعاف التمن ! انت متأكد يا عمران والفلوس يجيبها معاه احنا مش هناخد شيكات
رد عمران: اطمني انا مظبط كل حاجه
اتكلمت بسرعه: خلاص جهز كل حاجه واستناني بكره وانا هقولهم ان انا رايحه ازور مندور واجيلك
رد عمران: وانا هكون في انتظارك، مع السلامه
اغلق عمران الهاتف واعطاه لامجد واتكلم بتوتر..
عمران: تمام كده يا باشا
رد امجد: تمام يا عمران
رواية هيبة الكبير بقلمي ملك إبراهيم
اليوم التالي في الصباح
وقف قاسم امام المرآه ينتهي من تصفيف شعره
اقتربت منه زهرة وضمته من الخلف واستندت برأسها على ظهره واتكلمت بتعب.
زهرة: قاسم هو انت ليه مبقتش تحبني
ابتسم قاسم والتفت لها واتكلم بمرح..
قاسم: مين ده الا مبقاش يحبك !
ردت بدلع: انت مبقتش تحبني ومش بتقعد معايا خالص وطول اليوم برا البيت وعلى طول مشغول عني
اتكلم قاسم بمشاكسه: انا مشغول عنك بيكي
اتكلمت زهرة: انت بتتريق عليا صح ؟
ضغط على انفها بمشاكسه واتكلم بمكر..
قاسم: ايه ده يا زهرة انتي مناخيرك كبرت اوي
شهقت بفزع وابتعدت عنه تنظر لوجهها بالمرآه وتضع يديها على انفها
ضحك قاسم بهدوء وهو يتابع انشغالها بانفها ثم تفاجئ بها تتكلم معه بحزن ونواح
زهرة: انا عماله اقول ان مناخيري شكلها اتغير وانت السبب انت الا عملت فيا كده ايوه انت عايز شكلي يبقى مش حلو وانت تفضل حلو زي ما انت وتفضل زي القمر لا ومش بس قمر دا انت بتحلو كل يوم اكتر من اليوم الا قابله وانا بطني بتكبر ومناخيري بتكبر وشفايفي كمان شوف بقت عامله ازاي لونهم بقى غامق مكنش لونهم كده ورجلي كمان مكانتش كده وايدي شوفت خاتم الجواز الا انت جبتهولي بقى مش بيدخل في ايدي وكمان شعري، شعري بقى.......
قبلها بسرعه ليوقفها عن الحديث.. نظرت له بصدم#مه وهو يقبلها..
بعد لحظات ابتعد عنها واتكلم بعشق..
قاسم: انتي ملكة في كل حالاتك
نظرة له بعشق والدموع تلمع بعينيها..
ضمها بحضنه واتكلم بعشق..
قاسم: بحبك
ابتعدت عنه واتكلمت بدلع..
زهرة: يعني مناخيري مش كبيره
ضحك بشدة واتكلم بمشاكسه وهو بيهرب من امامها
قاسم: الصراحه كبرت اوي انا مش هكدب😂
