البارت 37 قاسم وزهرة للكاتبة ملك إبراهيم.

نظر قاسم بغضب لعمران واتكلم بقوة.

قاسم: هتقول مين الا وارك يا عمران ولا هتشيل انت الليلة كلها

اتكلم عمران بخوف: انا مليش دعوة بأي حاجه، صفاء اختي هي اللي كانت بتخطط ورجب الا كان بينفذ وانا كنت مرسال بينهم بس

اتكلم رجب وهو بيتألم: وانا مليش دعوه انا كنت بنفذ اللي بينطلب مني وبعدين دياب هو اللي خزن السلاح هنا

رد دياب بخوف: بس هما قالولي السلاح هيقعد هنا اسبوعين ومحدش هيحس بيه ومكنتش اعرف ان الحكومه هيعرفوا ان في سلاح هنا

نظر امجد ل قاسم واتكلم امجد مع عمران بقوة..

امجد بمكر: رجب ودياب موقفهم سليم في قضية السلاح واللي هيشيل القضيه دي هو عمران لان معهوش دليل واحد بيثبت ان ام دياب ليها علاقه بموضوع السلاح ده

رد عمران برعب: قضية ايه الا اشيلها يا باشا !، انا والله مليش دعوه بالليلة دي وكل حاجه كانت بتاع صفاء اختي

اتكلم قاسم بمكر: بس مفيش اي دليل بيثبت ان مرات عمي ليها دعوة بالسلاح ده

اتكلم عمران بقوة: لا..في دليل

نظر له الجميع بصدم#مه وتابع عمران حديثه بتأكيد.

عمران: في سلاح جايلنا خلال الاسبوعين الا جاين  وانا اقدر اسجل لصفاء وهي بتعترف ان السلاح ده بتاعها بس تخرجوني من القضيه دي خالص

نظر كامل لقاسم ونظر قاسم لامجد وحرك امجد رأسه بتأكيد ورد علي عمران

امجد: بس احنا مش عايزينك تسجلها يا عمران.. احنا عايزينها تحضر تسليم السلاح ده بنفسها عشان نتأكد ان انت فعلا ملكش دعوه باي حاجه

اتكلم عمران بتأكيد: انا مستعد اعمل اي حاجه يا باشا بس تخرجوني برا الليلة دي خالص

نظر قاسم ل امجد وابتسم امجد بثقه

خرج قاسم وامجد وكامل من المخزن واتكلم امجد بثقه..

امجد: كده كل حاجه ماشيه زي ما احنا عايزين بالظبط يا قاسم

اتكلم قاسم بتأكيد: المهم ان كل حاجه تكمل للاخر زي ما احنا عايزين

رد كامل بثقه: ان شاءالله حق ابونا هيرجع واللي غلط هيتحاسب

اتكلم قاسم بشرود: ان شاءالله