البارت 37 قاسم وزهرة للكاتبة ملك إبراهيم.

دياب: تقدر تقولي كنت هتعمل ايه لو انت اتجوزت بنت المهدي ومقدرتش تحبها ؟، كنت هتعمل زي كامل اخوك وتطلقها ؟، طب لو انا كنت عملت زي كامل وطلقت ندى انتوا كنتوا هتسكتوا.. ابويا وامي وعمي ومرات عمي وانتوا يا ولاد عمي كنتوا هتقبلوا ان انا اطلق اختكم ؟؟

نظر قاسم لدياب بتفكير في حديثه وبدء يتعاطف معه.. ليتابع دياب حديثه ببكاء اشد...

دياب: انا كنت بحط كل يوم لندى حبايه تمنع الحمل عشانها هي قبل مني..عشان انا كنت عارف ان هايجي اليوم واطلقها وعشان عارف ان بسبب العادات عندنا ان لو الواحده اطلقت ومعاها عيال..الاصول انها متتجوزش تاني وتقعد تربي عيالها وانا عملت كده عشان مظلمهاش اكتر ما انا ظلمتها معايا

ابتعدت ندى عن حضن شقيقها واتجهت الي الداخل وهي تبكي بشدة..

نظر لها دياب بصدم#مه واتكلمت ندى مع دياب بقوة وبصوت متقطع من شدة البكاء..

ندى: طلقني يا دياب

اقترب منها قاسم وحاول ضمها.. صرخة ندى ببكاء واتكلمت بصراخ...

ندى: خليه يطلقني يا قاسم..انا مش عايزه افضل على ذمته اكتر من كده.. خليه يطلقنيييييي

اتكلم دياب ببكاء: انتي طالق يا ندى

توقفت عن الصراخ بعد سماع كلمته.. سكن جسدها، توقفت دقات قلبها، كُتمت انفاسها.. تجمدت الدموع بعينيها

اقترب كامل من شقيقته ونظر لها بحزن ونظر الي دياب بغضب وحاول الاقتراب من دياب حتى يفرغ به غضبه ويقوم بضربه.

وقف امامه شقيقه قاسم واتكلم بقوة..

قاسم: خد ندى رجعها البيت يا كامل وانا هتصرف.

نظر كامل لدياب بغضب واخذ شقيقته وخرج من المنزل بأكمله.

ابتعد قاسم عن دياب ونظر الي رجب الواقع على الارض ويشعر بكسر باحدى ضلوعه.

قاسم: وانت بقى يا رجب هتقولي مين صاحب السلاح الحقيقي ولا لسه محتاج تاخد وقت تفتكر

نظر رجب لقاسم برعب واتكلم بألم...

رجب: انا حاسس ان ضلوعي كلها اتكسرت

اتكلم قاسم بسخريه: متقلقش هو ضلع واحد الا اتكسر

ليتابع حديثه بغضب: هتتكلم يا رجب ولا اكمل تكسير ضلوعك بجد

اتكلم رجب وهو يتألم بشدة..

رجب: انا والله معرفش مين صاحب السلاح الحقيقي بس في واحد جه وطلب مني اني اوقع دياب معانا واقوله على موضوع السلاح ده والشخص ده كان عارف ان دياب معاه نسخه من مفتاح المخزن وفهمني ازاي اخلي دياب يوافق