البارت 35 قاسم وزهرة للكاتبة ملك إبراهيم.

رد كامل بغضب: سترت عليا في ايه انا مش فاهم حاجه !! وبعدين هو مين الا ستر على مين بالظبط..بنتك دي لولا ان انا الا سترت عليها كانت هترجعلك من تاني يوم وساعتها سيرتها كانت هتبقى على كل لسان

اتكلم سعفان بغضب: وكنت هترجعهالي من تاني يوم ليه ان شاءالله..كنت هتقولي انا مش راجل ومليش في الجواز خد بنتك عندك

هب كامل واقف بصدم#مه واتكلم بصوت غاضب مرتفع...

كامل: مين ده الا مش راجل وملوش في الجواز !!! انت اتجننت انت وبنتك ولا ايه

وقف قاسم يحاول تهدأت كامل ونظر ل سعفان واتكلم بغضب..

قاسم: ما تخلى بالك من كلامك يا حاج سعفان انت عارف ان كلام زي ده يضيع فيه رقاب

اتكلم سعفان بغضب: والله البت عندي ونقدر نجيب دكتور وهو يقولنا اذا كانت بتكدب ولا عندها حق

رد كامل بغضب: انا فعلا مقربتش من بنتك بس ده مش لاني مش راجل زي ما هي قالت دا لان انا مش عايزها ومش عايز اقرب منها

اتكلم سعفان بسخريه: عيل صغير انا عشان اصدق الكلام ده..هو في راجل يبقى معاه مراته في اوضه واحده وبتنام معاه على سرير واحد ويقدر يحوش نفسه عنها

رد قاسم بغضب على سعفان..

قاسم: ايوه في.. لما مراته دي تقول لجوزها انها بتحب اخوه وانها كانت علاقه بيه قبل الجواز

نظر سعفان لقاسم بصدم#مه واتكلم بزهول..

سعفان: اخووه مين الا كانت تعرفه قبل ما تتجوزه.. يعني انت كنت تعرف رقيه قبل ما كامل يتجوزها ؟!!

رد قاسم بقوة: ولا عمري شوفتها..هي الا كانت عايشه في الاوهام ولما اوهمها متحققتش قالت تخربها على الكل وتدفع الكل تمن اوهامها الا كانت عايشه فيها

اتكلم سعفان بزهول: لا انا رقيه بنتي متعملش كده ابدا

رد قاسم بغضب: بنتك عملت الا اكتر من كده وتقدر تسأل زهرة بنت عمها وهي تقولك كل حاجه

اتكلم كامل بتأكيد: انا مكنش ينفع اقرب منها بعد الا قالته وعشان كده بنتك لسه بنت زي ما هي

حرك سعفان رأسه بصدم#مه وعدم تصديق واتكلم بصدم#مه..

سعفان: يعني كده البت مستقبلها ضاع.. يعني لو جوزتها لحد تاني ودخل عليها واكتشف انها بنت بنوت وسأل ازاي كانت متجوزه كل الفترة دي وجوزها ملمسهاش هقوله ايه ؟