البارت 34 قاسم وزهرة للكاتبة ملك إبراهيم.

قاسم: ماشي يا حاج منصور سبهولنا هنا هنتكلم معاه كلمتين بس

رد الحاج منصور: ربنا معاكم يا ابني

ثم تركهم الحاج منصور وذهب ووقف صفوان ينظر الي قاسم بخوف وقلق

اتكلم قاسم بابتسامه: مالك يا صفوان قلقان من ايه ؟

رد صفوان: اصل حضرتك ليك هيبه تخوف زي الحاج رفعت الله يرحمه

اتكلم قاسم بهدوء: مفيش حاجه تخوف يا صفوان احنا هنتكلم كلمتين بس وهترجع دارك على طول

رد صفوان: تحت امرك

نظر قاسم للمخزن واتكلم بهدوء...

قاسم: من سنتين ابويا الله يرحمه بعتلك اوضة فيها سرير ودولاب وشوية حاجات كده صح ؟

رد صفوان: صح بس دول كانوا سريرين

اتكلم قاسم: مظبوط يا صفوان..انا عايزك تقولي بقى مين الا جابلك الحاجه دي ؟

نظر صفوان لقاسم وكامل بتوتر واتكلم بقلق...

صفوان: هو ايه الا حصل ؟ هو حضرتك عايز تاخدهم تاني ؟!

ابتسم قاسم واتكلم بهدوء: دي حاجتك يا صفوان وكانت هدية ليك من الحاج رفعت  الله يرحمه..احنا بس عايزين نعرف مين الا جابلك الحاجه دي ؟

رد صفوان بتوتر: دياب ابن عمكم هو الا جابهم..الحاج رفعت الله يرحمه بعتهملي معاه

نظر كامل لقاسم بصدم#مه وحرك قاسم رأسه بغضب بعد ان تأكد من شكه..

نظر صفوان اليهم بدهشه واتكلم بقلق..

صفوان: في حاجه حصلت يا قاسم بيه ؟

رد قاسم بهدوء: مفيش حاجه يا صفوان متقلقش..تقدر ترجع انت على بيتك واي حاجه تحتاجها بيت الشرقاوي مفتوح في اي وقت

اتكلم صفوان بابتسامه: ربنا يكرمكم يا رب ويزيدكم من نعيمه

ذهب صفوان ونظر كامل لقاسم بصدم#مه واتكلم بزهول...

كامل: معناه ايه الكلام ده ياقاسم..؟

رد قاسم بغضب: معناه ان دياب اخر واحد اخد مفاتيح المخزن ده من ابويا وانا كنت متأكد ان ابويا مستحيل يدي مفاتيح المخزن لاي حد غريب

اتكلم كامل بزهول: يعني دياب هو صاحب السلاح الا لقوه في المخزن ؟!!

رد قاسم بتأكيد: لا مش لدرجة انه صاحب السلاح..بس ممكن يكون متورط مع اصحاب السلاح ولازم نعرف مين دول وازاي ورطوه معاهم

اتكلم كامل بدهشه: بس غريبه ان ابويا الله يرحمه يطلب من دياب هو الا يوصل الاوضه دي لصفوان مع اننا كنا موجدين هنا ايام فرح ندى ومطلبش مننا احنا او حتى جابلنا سيرة الموضوع ده !!

رد قاسم بهدوء: الله يرحمه خلى دياب هو الا يعمل الخير بنفسه عشان يزرع الخير جواه

اتكلم كامل بحزن: ربنا يرحمه

نظر قاسم امامه بقسوة واتكلم بغضب..

قاسم: الله يرحمه هو زرع الخير ودياب بغبائه حوله لشر

رواية هيبة الكبير بقلمي ملك إبراهيم
في منزل عائلة الشرقاوي..

دخل سعفان المنزل بغضب يسأل عن كامل بصوت مرتفع..

خرجت زهرة من غرفة الحاجه زينب واقتربت من عمها بهلع..

زهرة: خير يا عمي ايه الا حصل ؟!!

رد سعفان بعنف: جوزك واخوه فين يا زهرة ؟

خرجت شمس وقفت تنظر الي سعفان بدهشه لا تعلم من هو لكنها تتذكر صوته عندما اتى لأخذ رقيه..

ردت زهرة بقلق: قاسم وكامل مش هنا..هو ايه الا حصل ؟ جدي جراله حاجه ؟

اتكلم سعفان بغضب: جدك مفيهوش حاجه بس انا عايز جوزك واخوه ضروري..اشوف ازاي كامل يطلق رقيه والعيب منه هو

نظرة له زهرة بدهشه واتكلمت بعدم فهم..

زهرة: عيب ايه الا منه يا عمي انا مش فاهمه حاجه ؟

فهمت شمس ما يعنيه عم زهرة عندما تذكرت تهديد رقيه للحاجه زينب انها سوف تخبر اهلها ان كامل لم يستطيع اكمال زواجه منها

اقتربت شمس من سعفان وتحدث اليه بقوة..

شمس: عيب ايه الا في جوزي ؟ جوزي مفيهوش اي عيب وبنتك دي كدابه