البارت 33 قاسم وزهرة للكاتبة ملك إبراهيم.

ردت شمس بع.نف: انا مرات كامل وعلى سنة الله ورسوله

اتكلم دياب بمكر: وهو في واحد ومراته كل واحد فيهم ينام في اوضه لوحده..هو انتي فكراني مش عارف ان انتي بتنامي في الاوضه لوحدك وكامل كل يوم بينام في اوضة عمي

ردت عليه بحده: دا شئ ميخصك واول ما كامل يرجع انا هعرفه عمايلك وكلامك ده وهعرفه كمان مين الا حط زيت على السلم عشان زهرة تقع

نظر اليها بصدم#مه واتكلم بتوتر..

دياب: زيت ايه ؟، انا مش فاهم حاجه.!

اتكلمت بغضب: لما يجي كامل انا هحكيله واخليه يفهمك بنفسه

ثم تركته واقف مكانه بصدم#مه واتجهت هي الى الاسفل...

همس دياب بخوف وهو بينظر حواليه...

دياب: هي طلعت عارفه الا احنا عملناه في زهرة ولا ايه ؟.. احسن حل دلوقتي اني اروح اقعد عند رجب او اروح اي مكان كده كام يوم لحد ما اشوف هيعملوا ايه

ثم نظر حوله بتوتر واتجه سريعا للخروج من المنزل...

رواية هيبة الكبير بقلمي ملك إبراهيم

بعد وقت في منزل عائلة الشرقاوي..

دخل قاسم ممسكًا بيد زهرة ودخل خلفه كامل وندى..

نظر قاسم للمنزل بحزن وتذكر والده ووقف يقراء الفاتحه على روحه...

اتكلمت ندى بهدوء: ماما في الاوضه الا تحت دي ياقاسم مطلعتش اوضتها من يوم وف.اة ابويا الله يرحمه

نظر قاسم لزهرة وجدها تنظر الي الدرج بخوف ومن الواضح انها كانت تتذكر ما حدث معها

اخذها قاسم بحضنه واتكلم معها بقوة.

قاسم: متخافيش انا معاكي

ابتسمت له بتوتر وحركة رأسها بهدوء..

اخذها قاسم واقترب من غرفة والدته وفتح الباب ودخل بلهفه كبيره..

نظرة له والدته بلهفه ولا تصدق انها تراه حقًا امامها..

اقترب منها قاسم بلهفه وضمها باشتياق..

بكت الحاجه زينب بداخل حضن ابنها واتكلمت ببكاء..

الحاجه زينب: وحشتني اوي يا حبيبي..كده يا قاسم عايز تقهر قلب امك عليك وعايز تضيع مستقبلك وحياتك