البارت 32 قاسم وزهرة للكاتبة ملك إبراهيم.

نظر كامل لقاسم بدهشه واتكلم بعدم فهم..

كامل: مش فاهم.. هو ايه الا كنت المفروض اسالك عليه الاول..؟

رد قاسم بثقه: موضوع رقيه

اټصدم كامل واتكلم بتسرع...

كامل: خلاص يا قاسم انا طلقت رقيه وصدقني لو كنت اعرف الا بينكم مكنتش اتجوزتها

اتكلم قاسم بدهشه: طلقتها !!

رد كامل بتأكيد: ايوه طلقتها..لان مكنش ينفع تفضل على ذمتي بعد ما عرفت بلي كان بينكم قبل الجواز

اتكلم قاسم بدهشه:  ايه الا كان بينا قبل الجواز..؟!!

نظر له كامل بحزن وامتنع عن الرد..

اتكلم قاسم پحده: هي قالتلك إيه بالظبط..؟

رد كامل پعنف: مش مهم قالتلي ايه انا خلاص طلقتها

اتكلم قاسم بتأكيد: لا طبعًا مهم جدًا لان انا اصلا قبل الجواز مكنتش اعرف رقيه ولا عمري شوفتها واول مرة اشوفها كانت وانت متجوزها

نظر كامل لشقيقه بدهشه واتكلم بزهول..

كامل: بس رقيه قالت ان انت كنت بتقابلها  وكان في بينكم علاقة

رد قاسم بدهشه: ازاي تشوه سمعتها وتقول حاجه محصلتش..البنت دي اكيد مريضه

ليتابع حديثه بصدق..

قاسم: اقسملك بالله يا كامل ان انا عمري ما كنت اعرفها ولا عمري شوفتها قبل جوازك منها وكل الا انا عرفته ده عرفته عن طريق زهرة..بالصدفه شوفت دفتر مذكراتها وكانت كاتبه فيه كل حاجه عن رقيه والاوهام الا عايشه فيه

اتكلم كامل بهدوء: خلاص اهي راحة لحالها ربنا يهديها ويسهلها

ليتابع كامل حديثه بابتسامه: على فكرة انا اتجوزت بنت تانيه اسكندرنيه

اتفاجئ قاسم واتكلم بزهول..

قاسم: اتجوزت!!!

رد كامل بسعاده: شمس..اسمها شمس بنت يتيمه ووالدها الله يرحمه كان راجل طيب جدا ووصاني عليها قبل ما يم.وت

ابتسم قاسم بهدوء: ربنا يوفقكم

ليتابع قاسم حديثه بقلق..

قاسم: طمني امي وزهرة وندى عاملين ايه ؟!!

رد كامل بحزن: امي وندى بخير الحمدلله

نظر له قاسم بدهشه واتكلم بقلق

قاسم: طب وزهرة..؟!!

رد كامل بحزن: في حاجه حصلتلها لازم تعرفها لاني مش هينفع اتصرف مع مرات عمي ودياب من غير ما ارجعلك