قصة حبيت زعيم عصابه كاملة حصري

يا انسه ممكن لو سمحتي ترفعي النقاب ده عايز اشوف وشك اتأكد من حاجة بس.
_ نقاب ايه اللي ارفعه انت اټجننت ولا ايه ابعد عن وشي لو سمحت 
من فضلك يا انسه انا بكلمك بكل ذوق واحترام لو سمحت ارفعي النقاب عايز اشوف حاجه 
_انت مچنون ولا ايه هو ايه اللي تشوف حاجه ده انا منتقبه يا استاذ ما ينفعش حد يشوفني

طب بعد اذنك بس في واحده هربانه واحنا بندور عليها وانا شاكك فيكي
_ احنا احنا اللي انتم مين يعني 
انا الظابط رؤوف رؤوف المهدي
_ تشرفنا بحضرتك يا حضره الظابط بس للاسف انا ما اقدرش ارفع النقاب
وانا شاكك فيكي لازم ترفعي النقاب وتاكد ان مش انت اللي احنا عايزينها
_ انا بقول لك مش انا اللي انتم عايزينها لو سمحت ابعد عن طريقي انا متاخره
للاسف مش هينفع اسيبك تمشي اتفضلي معانا
_ اتفضل معاكم فين 
اتفضلي معانا على القسم وهناك بقى اتاكد انت اللي انا شاكك فيها ولا لا
_ قسم ايه اللي اروحه لو سمحت انا متاخره على شغلي وبعدين ممكن تشوف بطاقتي واتأكد من شخصيتي 
مش هينفع يا انسه لازم اشوف وشك عشان اتاكد 
_وانا بعتذر جدا مش هرفع النقاب ومش هتشوف وشي وكمان مش هتشوف بطاقتي ايه رأيك بقى.
يبقى مضطر اخدك معايا على القسم اتفضلي معايا لو سمحتي
_ انت اكيد مچنون انا مش هروح اقسام
للاسف لازم تيجي معايا اتفضلي يا انسه بعد اذنك.
_طب لو انا رفعت النقاب هتسيبني امشي
بص لي باستغراب وقال هترفعيه ازاي هو ينفع حد يشوفك وانت منتقبه 
استغربته وقلت له مش حضرتك ظابط وبتقول ان انت شاكك ان انا متهمه يعني لازم تشوف وشي عشان ابرئ نفسي وتتاكد ان مش انا المتهمه اللي انت بتدور عليها. 
سكت شويه وقال يعني هترفعي النقاب 
قلت له اه
قال في الشارع. 
قلت له اه 
قال قدام الناس
قلت له اه 
وكل الناس هيشوفوكي
قلت له اه 
سكت شويه وقال لي طب امشي يلا روحي شغلك عشان انتي تأخرتي.
استغربت من اللي قاله ووقفت مكاني مش بتحرك وفجأة زعق فيا اتفضلي امشي.
مشيت وانا خاېفه وعماله افكر في الظابط الغريب ده وليه كان مصمم انه يشوف وشي وفجأة رفض اني ارفع النقاب ويشرفني.
روحت شغلي وفضلت طول اليوم افكر في اللي حصل معايا ورجعت البيت بعد الشغل لقيت ماما فرحانه جدا على غير العادة وقالتلي الف مبروك يا حبيبتي اتقدملك عريس كويس اوي وباباكي موافق والعريس قاعد مع باباكي دلوقتي وعايز كتب كتاب على طول.
_ عريس ايه بس يا ماما حضرتك بتهزري معايا وانا جايه من الشغل تعبانه وقابلت ظابط الصبح رخم طلع عيني ع الصبح بس لو اشوفه كنت..... 
فجأة لقيت صوت ورايا كنتي عملتي ايه.... مش معقول ده هو نفس الظابط اللي انا شفته الصبح طب بيعمل ايه الظابط ده وايه اللي جابه عندنا لقيته بيبتسم ابتسامه خبيثه وبيقول لي كملي كنت عملت ايه 
فجاه بابا خرج من الاوضه واقف جنبه وبص لي وابتسم وقال لي ايه يا رحمه سلمي على عريسك. عريسي ايه اللي بابا بيقوله ده استغربت ازاي عريسي وكانت على وشه ابتسامه بجد خوفتني وقفت بصيت لماما وقلت لها عريس مين يا ماما هو اللي رد عليا وقال لي انا عريسك
وقفت شويه استوعب هو بيقول ايه ولقيت بابا بيقول لي رؤوف باشا اتقدم لخطبتك يا رحمه وانا موافق وعايز يكتب الكتاب عشان هو مسافر وعايز ياخدك معاه وقفت مذهوله شويه سفر ايه وازاي ده اصلا ومين ده بصيت له قلت له مش انت الظابط اللي وقفتني الصبح اللي كنت عايزني اخلع النقاب بص لي وقال لي اه انا وبصراحه احترمتك وحسيت ان انت من عيله ومتربيه وهي دي المواصفات اللي انا بدور عليها بصيت له بعدم اقتناع كنت حاسه ان في حاجه هو بيخبيها هو في حاجه غريبه بيخبيها عليا اتكلمت بعد تفكير وقلت لهم طب لو سمحت يا بابا اديني وقت افكر 
رد هو عليا وقال لي ما فيش وقت لازم نكتب الكتاب. 
مش عارفه ليه هو مستعجل كده وعايز نكتب الكتاب بسرعه انا ازاي هكون مرات الانسان ده ازاي هتجوز واحد ما اعرفوش قابلته الصبح اتقدم لبابا بعد الظهر ونتجوز بعد يومين الموضوع كان غريب بالنسبه لي وكان مخوفني بس لقيت ماما اتكلمت وهي بتضحك وطلبت من بابا انه يدينا فرصه نقعد احنا الاثنين مع بعض ماما كانت فاهمه ان انا متردده وكانت عايزاني اقعد معاه علشان اقتنع وفعلا بابا سابنا لوحدنا ودخلنا قعدنا انا وهو واول حاجه سالته قلت له انت بتقول ان انت كنت عايز تتجوز بنت محترمه ومتربيه ما اعتقدش ان الخمس دقايق اللي اتكلمت معايا فيهم هم دول اللي اكدوا لك ان انا محترمه ومتربيه ابتسم ابتسامه جانبيه وقال لي ما تنسيش ان بحكم شغلي