البارت 28 قاسم وزهرة للكاتبة ملك إبراهيم.

ردت رقيه بملل: هتصدقي لو قولتلك انه مبقاش فارق معايا..انا اصلا تعبت وزهقت وخلاص زهرة هي الا كسبت كل حاجه..اصل زهرة طول عمرها كده مميزه فكل حاجه..وبكره تبقى ست البيت ده كله وعلمي على كلامي

اتكلمت صفاء بغيظ: دا انتي قاصده تشليني بقى

ردت رقيه ببساطه: انا قصدي اعرفك ايه الا هيحصل بعد كده عشان تتقبلي الحقيقه باعصاب هاديه زي كده

اتكلمت صفاء بغضب: طب اقفي واتفرجي باعصابك الهاديه دي وشوفي انا بقى هعملك ايه في بنت عمك دي

فتحت رقيه التلفاز وردت على صفاء ببرود....

رقيه: كلُو بعض

حركة صفاء رأسها بتحدي واتكلمت باصرار...

صفاء: ماشي يا بنت المهدي

خرجت صفاء من الغرفه واغلقت الباب خلفها بعنف.. نظرة رقيه على الباب واغلقت التلفاز وهمست بغضب...

رقيه: ياريت انتي وزهرة تخلصوا على بعض بقى واخلص منكم انتوا الاتنين

رواية هيبة الكبير بقلمي ملك إبراهيم

بعد اسبوعين

في الجامعه....

خرجت زهرة بتعب بعد انتهاء اخر يوم امتحان لها..

اقترب منها استاذ حافظ ونظر الي الضعف الشديد الذي يظهر عليها واتكلم بقلق...

استاذ حافظ: مالك يا زهرة ؟ شكلك تعبانه

اتكلمت بتعب: كنت تعبانه الايام الا فاتت دي شويه بسبب الامتحانات والمشاكل الا احنا فيها بس الحمدلله الامتحانات انتهت على خير

اتكلم استاذ حافظ بابتسامه...

استاذ حافظ: طب انا عندي ليكي خبر حلو

نظرة له بلهفه واتكلمت بابتسامه...

زهرة: قاسم وافق يقابلني..؟

رد استاذ حافظ بحزن: للاسف لا يا زهرة انتي عارفه انه بيرفض اي زيارة

اتكلمت بحزن: انا قلقانه عليه اوي

رد استاذ حافظ؛ خلاص متقلقيش.. كان في جلسه النهارده والحمدلله القاضي تفهم هو ليه اعترف على نفسه زور بعد ما عرف بخبر وف.اة الحاج رفعت وكمان انا قدمت كل الا يثبت ان قاسم ميعرفش اي حاجه عن شغل ابوه والحمدلله اتحكم عليه ب3 شهور بس يعني كلها تلات اربع اسابيع بالكتير وقاسم هيخرج